來訪者是真的出自關心、還是只來八卦?

姑姐仔

我有個親戚,我細個時叫佢「姑姐仔」,因為佢只係大我5年。

呢個姑姐仔,佢係我親生Daddy個阿媽,即係我親嫲嫲,同另一個有婦之夫所生o既,所以,論血緣,都只係得一半,唔緊要,我3個細佬都係得我一半o既血緣關係,香港呢個同母異父、加拿大o個兩個同父異母。

我細個時好鈍,可能因為係獨生女、又父母離異,日日都係對住個賓妹,所以唔係屬於「活潑」o個類型。但係我姑姐仔細個時好百厭,教我玩空中飛人、玩氣槍,帶我去歡樂天地、帶我去佢同學屋企打機。o個陣我覺得佢似我家姐多過似我姑姐。

但係越大,我姑姐仔就越乖,我就越曳。可能因為姑姐仔入o左耶教。因為我當佢家姐多過當佢姑姐o既關係,我都跟佢返o左教會。人返教會我返教會,佢就越返越虔誠,我就越o黎越反叛。大個o左,佢成為o左一個 hardcore o既耶友;而我,就o係黑暗裡面將穌哥教我o既「愛人如己」、「愛仇敵如己」、「接納罪人」發揚光大。

作為一個基督好榜樣,我姑姐仔佢o係行為上真係高分到……好似一個法利賽人一樣。但係我份人不嬲都包容性好高,既然我當得佢係家姐,有時都會同佢傾下心事、攞下意見。佢其實好關心我,我要自修會考,係佢企出o黎支持我;我讀個超貴o既秘書課程,佢都有份供份學費。

但係最近,唔知點解,同佢越o黎越傾唔埋冷。

事源佢5o既婚禮安排,我被編排為姊妹大隊長,幫手排schedule、做聯絡、設計遊戲等等。佢有咩要求,我都盡量配合。但係大佬呀!隊姊妹有咁多人,我一個人就話就你啫,唔通人o地就唔o岩時間出o黎幫手,又係我唔o岩?但係佢就偏偏要奪命追魂sms + 一大堆 blaming oe-mails。我明白,籌辦婚禮會好緊張,通常個準新娘都會hur爆個準新郎,我只係不幸地成為被 hur o個個,因為姑姐仔唔敢發洩落佢未婚夫身上;反而,佢向佢未婚夫哭訴我唔幫佢!咁我俾你huro左,我又可以向邊個哭訴?我都好想好想攬住 Daddy o黎喊,但係 Daddy o係加拿大未返o黎。到婚禮當日,整個 run down 都好順利,現場氣氛好好,大家有目共睹;但係,跟住端午節造節,姑姐仔竟然o係大庭廣眾話我唔幫佢!嘩!我俾面Daddy,因為佢10年先返o黎一次,所以o個次我都 "good" 一聲吞o左佢算數!雖然我同佢講過,幫埋佢呢次婚禮,我唔再係佢屋企人、佢朋友,我只係佢阿哥個女!不過事後我都諗呢D只不過係自己一時意氣所講o既說話。

然後,我同小勁準備婚禮,佢問都冇問過我同小勁係點樣復合,就打o黎講一大堆o野,大概內容都係偏見地認為我冇諗清楚等等……小姐呀,我26歲人,我有腦o架!我要唔要嫁俾一個人,我阿媽都未出聲,你想點先?!好,當你一番好意,我都話會諗o架喇、得o架喇……佢仲要講落去喎!我真係……(下刪一萬字)

跟住我就避o左呢個人。直至到7月同小勁講分手,我都費事同姑姐仔解釋咁多,淨係oSkypeDaddy講就算。Daddy知道我大個女,自己識諗,冇再好似以前咁sende-mail o黎長篇大論咁說教,所以呢次我同佢溝通得完全冇問題,仲要佢幫我同嫲嫲&姑姐仔講,因為唔想同佢o地交待咁多,費事佢o地問長問短,然後又講一大輪偏見o既理論。

點知今次,我只不過oFacebooko左句o野,佢又試唔問清楚發生咩事就寫段essay咁長o既偏見「道理」。佢自己死都唔肯認佢理解錯o左我句o野講乜,仲要 send private msg o黎死撐話佢係特登,因為我唔覆佢o黎緊中秋節造節出唔出席喎~佢份人偏見到呢,佢竟然以為小白同 Lau Lau oD只係識得附和我o既應聲蟲、觀音兵、狗公!唔知佢有冇「以為」埋EM係男人呢?

即係我唔係話鍾意做掛名基督徒先至成日咁大癲大肺,但要我好似佢hardcore到成個法利賽人咁自命行為清高、好似祭師咁淨係識得批評異己,Sorry,我真係做唔到。呢D係人o既問題吖?定係教會o既洗腦模式問題?我都係不予置評。

One response

  1. EM

    重申, EM 是女人, 而外表絕對是一位美麗的可人兒喲, 哈哈哈哈哈)))

    18 九月, 2009 (週五) at 00.4500Fri, 18 Sep 2009 00:45:47 +000047 (HKT)

發表迴響

Please log in using one of these methods to post your comment:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s