來訪者是真的出自關心、還是只來八卦?

Do Chan's log

729,有九萬人為了反對國民教育上街遊行,其中家長和小孩為數不少,你問我,感動嗎?感動。欣喜嗎?欣喜。但,以下我要潑一盤冷水,目的,是要讓大家清醒。

先談林鄭的記者會。她用甚麼回應 90,000人上街呢?

  1. 成立委員會。
  2. 無論人多人少,他們都聽市民意見。
  3. 沒有強迫學校要今年推行。

今天的遊行,就是爭取到這些?你能收貨嗎?

第一,委員會?咪玩啦。我們要你撤回呀!再講,委員會,能幹出甚麼來?你還不是找些自己人來作樣。第二,「無論人多人少,他們都聽市民意見。」其實真正意思是「無論人多人少,他們都不會聽市民意見。」我看,你們是算準了今日的遊行,大家為了小孩,是不會太激吧。九萬人上街叫你撤,你還不撤?這那算是聽民意呀?第三,他們沒有強迫學校今年舉行,言下之意,是你們還可以等一兩年,但第三年,就一定要乖乖就範。

林鄭三點回應,全部是緩兵之計。想點呀?拖你地一輪,洩一洩D士氣,之後咪可以繼續搞囉。香港人善忘嘛,香港人生活繁忙,日理萬機嘛。喂,今日呀,幾多身嬌肉貴的家長來遊行呀,仲帶埋寶貝仔女。對他們來說,盡哂力架喇,講真。阿林鄭拖兩拖,磨一磨你士氣,九月又選舉勒,政黨要忙自己野,咁佢咪可以過骨囉。

所以,我是支持 hardcore 地罷課的。你今日90,000人行出來,他們都 hea 我地,咁唔罷課點得呀?麥兜點講呀?「臀結實是力量」丫嘛。罷課呢D野,一個人做,就話罰你嗟。所謂法不治眾,你夠薑一百人做,佢咬你食呀?同樣,一間學校罷課,就話會大壓力嗟,你十間罷呢?五十間罷呢?佢點呀?到時佢驚過你啦。老老實實,今日遊行完,你千祈唔好以為成功,千祈唔好自我感覺良好呀。你睇下今日個記者會,政府執迷不悟。成件事,依家先岩岩開始咋。我地身為良好市民,要將行動成級呀。

計我話,要搞罷課,其實可以好有創意。Home school 得唔得?得!一唔係幾個同學 group 埋 home school 囉。仲好玩。而且,無人話罷課要一定留在家架嘛,在學校操場罷課好唔好?在學校附近的公園搞罷課,將課室搬出學校,又可唔可以呢?社區中心、教會呢D地方,係咪可以配合一下,搞D「校外學習」呢?還有,internet live cast 又得唔得呢?喂,罷課唔係輟學,係唔妥你咋。總之,一日唔撤,就一日都唔返學上堂。如果我搞到在學校以外的學習更有意思,咁你個教育局係咪應該執笠呢?

老老實實,呢一次,如果搞得好(如果啦下),分分鐘會為香港的教育帶來一個新的想像,重新思考「教育」是甚麼,一破現時的死局。我知,我的想法是很天真。但係,你諗下,有咩夢想一開頭不是天真的?講真呀,九月罷課啦。

View original post

發表迴響

Please log in using one of these methods to post your comment:

WordPress.com Logo

You are commenting using your WordPress.com account. Log Out / 變更 )

Twitter picture

You are commenting using your Twitter account. Log Out / 變更 )

Facebook照片

You are commenting using your Facebook account. Log Out / 變更 )

Google+ photo

You are commenting using your Google+ account. Log Out / 變更 )

連結到 %s